البشاره جات
البشارة جات ابشر يا شباب *** الاوان دنا مدوا السيارات
بالله ابتديت بالرسول ثنيت *** فوق الاد البيت ناظم الابيات
اللبيب عزم ابتدا ونظم *** فوق بيت الكرام سيد السادات
سيدى من نشيت رحمة اتيت *** للسودان عموم للقلوب ثبات
تنظر مافى اللوح تشفى للمجروح *** بالكرم معروف مركز للهبات
جدك المشهور حسن الصافى النور *** يفعل مايدور قصة بت شمبات
جدك المحجوب كلسا مهيوب *** يالساكن الطائف اوعك الشمات
صفو للقلوب فى حبو ننجذب *** نبقى فى حزب اهل المنجيات
قوم للعزم قولوا ياختم *** نبقى فى قسم اهل المكرمات
عندهم سكن فى يوم المحن *** ان قلت ياحسن جاك عيان بالذات
عندهم وتر لكل العتر *** ان قلت تاج السر جاتك النجدات
عندهم اساس عدد الاخلاص *** يحفظك خلاص من الزلزلات
الراتب مضمون يطب المجنون *** الدرع المامون التوسلات
عندهم عدد من كل الزبد *** ان درت السند في المسبعات
مولدم بالنور والاسرار مشهور *** امرهم يهون مشؤيم هبات
يامؤيد بوريك البراق يكفيك *** وردهم يوقيك مدة الحياة
في هذا الزمن كترة الفتن *** ياسيدنا الحسن غيثنا بالثبات
قالك العبيد يالقطب الفريد *** عن يوم الوعيد في حمى السادات
صلي ياقيوم لابي ام كلثوم *** عد ماتقوم اصناف البنات
آلك اجمعين ثم التابعين *** عد قائلين كر في كرات