الليلي العيد ما ينشرب شاي قبل الشمس تطلع

تقول لنا جدتي التومي بت عازة في كل صباح عيد معها:

ولاد فاطني بت خجيجي أختي كانوا محمومين صايداهن الوردي. أتمة أمهن دابة ميتي. رجعت منهن في الليل. وقلت الصباح ارجع اشوفن. ساعة نمتا رأيت فيما يرى النايم راجل جا ماشي بي نص الحلي يكورك يقول: يا ناس الحلي الليلي اليوم يوم عيد, لا ينشرب شاي قبل الشمس تطلع ولا يتوكل أكل قبل الشمس تطلع. ساعة قمتا من النوم قت لي فاطني بتي بي منامي. وقت لها ما تسويلة شاي هالساعة. شلت عكازي طالبي قوز ود قرافي. وساعة مرقتا بالدرب التحت عند حرازة المصطفي. لقيت الخلوق دي ما تديك الدرب مقبلي علي توقلي والرجال شايلين السفينة. يقولوا : شئ لله يا ميرغني. قالوا السيد جايي ونازل عند ود بشير أغا. والناس مندلين علي الكرو وان طالعي علي ناس أدم. ساعة وصلتهن في الحجاب لقيت الحمد لله الوليدات طابوا والحمى نزلت منهن. بعد ما قت لي خجيجي حمدلي سلامي . قت لها انا بقوم الحق أزور سريع وأرجع. ساعة وصلت ديوان العمده لقيت لك الخلوق دي ما تديك الدرب وحمد الخير ود قرافي ده واقف يحمي في الناس من الدخول. جيتو ماشي عديل. داير يوقفني زحيتو من دربي ودخلت اتبركت وسريع مرقتا. ساعة وصلت اهلي فاطني قالت دايري تزور في مساوي. مرقت مع البنات قبل الزفة. قالت ساعة وصلت ديوان علي ود شبو. قالت: لقيت رجال يمدحوا اسمن تيمان ابزيد من ناس شندي يمدحوا ويقولوا:

شرفت الشمال اليوم
بي قدوم نجل خاتم القوم
بايعناك يا عثمان
وتابعناك يا عثمان
ابوك حيدر الميدان
وعمك احمد السلطان

وشرفت الشمال اليوم

اليوم يومو عيد وسرور
والعسكر وقف طابور
للنور الظهر من نور
جميع خلق الله فيك تزور

وشرفت الشمال اليوم

(درويش بت النقر)

صدقت شرف الشمال ولكنه والله شرف الشمال الجنوب الشرق الغرب بل العالم وشرفنا نحن نسأل الله أن يقبلنا منه وأن ندخل تحت لوائه . لفت نظري التعبير الدقيق المعبر والبلاغة البليغة ( للنور الظهر من نور )

عثمان الحليبي كتب:: [color=green][size=18]
اليوم يومو عيد وسرور
والعسكر وقف طابور
للنور الظهر من نور
جميع خلق الله فيك تزور

جزاك الله خيرأً الاخ عثمان الحليبي ولك صادق الدعاء
الليلي العيد ما ينشرب شاي قبل الشمس تطلع 87171207

» وماذا بعد العيد؟
» صورة الذكر يوم العيد بالطندب
» صلاة العيد - بكسلا.....واختم قولي
» طواف العيد لنائب المشرف السياسي للحزب الاتحادي بولاية نهر النيل( صور )